हेटौंडा, नेपाल व्यावसायिक बाख्रापालक महासंघ मकवानपुरको अध्यक्षमा बद्री प्रसाद अधिकारी चयन भएका छन् ।
विहीबार भएको महासंघको आठौँ वार्षिक साधारणसभा तथा चौथो जिल्ला अधिवेशनबाट अधिकारीको अध्यक्षतामा १३ सदस्यीय नयाँ कार्यसमिति चयन भएको हो ।
समितिको उपाध्यक्षमा उसमान वाइवा, सचिवमा विशाल ल्वोन, सह–सचिवमा चिनी माया राना र कोषाध्यक्षमा भीम प्रसाद घिमिरे चयन भएका छन् । यस्तै सदस्यहरुमा सालिक राम सापकोटा, इन्द्र लाल थिङ, सविन बास्ताकोटी, राधिका घिमिरे, राज कुमार गोम्बा, आइत सिं थिङ र प्रल्हाद पाख्रिन चयन भएका छन् ।
बागमती प्रदेश कृषि तथा पशुपंक्षी विकास मन्त्रालयका सचिव राजेन्द्र कोईरालाको प्रमुख आतिथ्यतामा कार्यक्रम भएको थियो ।
