सकियो बसामाडीको जेसीज सप्ताह

हेटौंडा, बसामाडी जेसीजको वर्ष सन् २०२३ को जेसीज सप्ताह समापन गरिएको छ । तीन दिन विविध कार्यक्रमको आयोजना गर्दै शनिबार जेसीज सप्ताह समापन गरिएको हो । कार्यक्रम संयोजक बुद्धराज अर्यालको संयोजकत्व एवम् जेसीजका अध्यक्ष जनक भण्डारीको अध्यक्षतामा भएको समापन कार्यक्रममा पूर्व राष्ट्रियसभा सदस्य एवम् संविधानसभा सदस्य रामनारायण बिडारीको प्रमुख आतिथ्यता रहेको थियो ।

ADVERTISEMENT

प्रमुख अतिथि बिडारीले युवाहरुले परिवतर्नका लागि लडेका दल र उनीहरुको भूमिकालाई नबुझ्दा मुलुक राजनीतिक द्वन्दमा जाला भन्ने डर भएको धारणा राखे । ‘धेरै युवालाई मुलुकलाई यो अवस्थासम्म ल्याइपु¥याउन योगदान दिएका नेता र राजनीतिक दलको विषयमा थाहै छैन’, नेकपा माओवादी केन्द्रका नेता समेत रहेका उनले भने, ‘त्यस्सै लहैलहैम लागेका छन् । अब युवाहरुलाई बुझाउन जरुरी छ ।’ युवाहरुलाई राजनीतिक आन्दोलन र त्यसबाट प्राप्त उपलब्धिका बिषयमा थाहै नभएको उनले दोहो¥याए । यस्तै युवा विदेश पलायन डरलाग्दो अवस्थामा पुगेको भन्दै उनले चिन्ता व्यक्त गरे ।

कार्यक्रममा नेपाल जेसीजका उपाध्यक्ष एवम् बसामाडी जेसीजका पूर्व अध्यक्ष सरोज अधिकारी, राष्ट्रिय उपाध्यक्ष भीमबहादुर कुंवर, हेटौंडा जेसीजका अध्यक्ष श्रवणकुमार बर्तौला, लेडी जेसीज अध्यक्ष दिलु घर्ती, बस्तीपुर जेसीजका अध्यक्ष प्रेमबहादुर गोङ्बा, चैनपुर जेसीज प्रस्तावितका अध्यक्ष गणेशदर्पण अधिकारी, बसामाडी जेसीजका पूर्व अध्यक्ष अनिल अग्रवाल, जेसीज सप्ताह मूल कार्यक्रम संयोजक उद्धवराज कठायत, सहमूल कार्यक्रम संयोजक जेपी यादव लगायतले मन्तव्य व्यक्त गरेका थिए । बसामाडीले तीन दिनमा ७ वटा कार्यक्रमको आयोजना गरी जेसीज सप्ताह मनाएको हो । जेसीज सप्ताह अन्तर्गत भएका विभिन्न प्रतियोगिताका विजेता र सहयोगीलाई कदरपत्र समेत प्रदान गरिएको थियो ।