हेटौंडा, नेवा दय दबू जिल्ला शाखा कार्यालयको आयोजनामा पुस १० गते हेटौंडाको बुद्ध चोकमा निशुल्क रुपमा यः मरि वितरण गर्ने भएको छ।
ADVERTISEMENT
१० गते दिउँसो १ बजे देखि ३ बजे सम्म बुद्ध चोकमा यः मरि बनाई बितरण गर्न लागेको हो। यःमरि पुन्हिको दिनमा नेवार समुदायमा विशेष किसिमको तिल, चाकु र खुवा राखेर बनाइएको चामलको पिठोबाट बनाइएको विशेष प्रकारको परिकार यःमरी खाने चलन छ ।
नेवारी सस्कृतिको संरक्षण तथा विकासको लागि हेटौंडाको बुद्धचोकमा कार्यक्रम आयोजना गर्न लागिएको नेवा दय दबूका अध्यक्ष बिष्णु लाल श्रेष्ठले जानकारी दिए ।नेपाल भाषामा यः भनेको मनपर्ने र मरि भनेको रोटी वा मिठाई भन्ने अर्थ लाग्छ । यःमरी लाई पञ्चतत्वको रुपमा पनि स्वीकार गर्छन् ।
