हेटौंडा उपमहानगरपालिका वडा नं. १९ स्थित बासुदेवका २५ जना गरिब तथा विपन्न परिवारको बालबालिकालाई शैक्षिक सामाग्री तथा न्यानो कपडा वितरण गरिएको छ ।
ADVERTISEMENT
मकवानपुर रिकभरिङ्ग समुह र हासेको इन्द्रेणीको आयोजना, रिकभरिङ्ग नेपाल र टिबी पिपुल संस्थाकोको समन्वयमा भएको बृहत खेलकुद तथा ब्यापार मेलामा फेश पेन्टिङ क्याम्पेनबाट उठेको रकम र हाल जर्मनीमा बसोबास गर्दै आईरहेका नवविवाहित जोडी प्रल्हाद प्रधान र अमृता लामाको आर्थिक सहयोगमा शैक्षिक सामग्री तथा न्यानो कपडा प्रदान गरेको हो । मकवानपुर रिकभरिङ्ग समुह्का कोषाध्यक्ष बिनोद लाल श्रेष्ठको अध्यक्षतामा भएको कार्यक्रममा मानव अधिकार संगठन मकवानपुरको अध्यक्ष सर्मिला श्रेष्ठको प्रमुख आतिथ्यता रहेको थियो ।
एचआईभि तथा एड्स महासंघ नेपालका केन्द्रिय अध्यक्ष खगेन्द्र खड्का, मकवानपुर पोजेटिभ समुहका अध्यक्ष राजु सुवेदी आतिथ्यतामा ९ जना एचआईभि संक्रमित बालबालिकाहरुलाई शैक्षिक सामाग्री र न्यानो कपड़ा वितरण गरिएको छ । वृहत खेलकुद तथा व्यापार महोत्सवमा स्वयंसेवकको भुमिका निर्बाह गर्नु हुने कमल लामा, सुशील धिमाल, प्रदिप पाण्डे र सुमिना महतलाई पनि मायाको चिनो प्रदान गरिएको थियो ।
ADVERTISEMENT
कार्यक्रमको प्रमुख अतिथिबाट ३० थान सेनेटरी प्याड मकवानपुर पोजेटिभ समुहलाई हस्तान्तरण गरेका थिए ।
