कैलाश गाउँपालिकामा कक्षा ८ को परीक्षा शुरू

हेटौंडा, कैलाश गाउँपालिकामा बुधबारबाट आधारभूत तह कक्षा ८ को परीक्षा शुरू भएको छ ।

बुधबार भएको अङ्ग्रेजी विषयको परीक्षामा ८ जना विद्यार्थी अनुपस्थित भएका गाउँपालिका शिक्षा शाखा प्रमुख दिपेन्द्र अधिकारीले जानकारी दिए ।

कक्षा ८ को परीक्षाको लागि ३ सय ६ जना विद्यार्थीले फर्म भरेकोमा पहिलो दिनको परीक्षामा २९८ जना विद्यार्थीले अङ्ग्रेजी विषयको परीक्षा दिएको उनले बताए । परीक्षाको लागि कैलाश गाउँपालिकाले १० वटा विद्यालयलाई परीक्षा केन्द्र तोकेको छ ।