सुमिना भोम्जनलाई नगद ५० हजार रुपैयाँको छात्रवृत्ति प्रदान

हेटौंडा, हेटौंडा १ मा रहेको अमर माध्यमिक विद्यालयमा अध्ययनरत छात्रा सुमिना भोम्जनलाई नगद ५० हजार रुपैयाँको छात्रवृत्ति प्रदान गरेको छ ।

ADVERTISEMENT

महालक्ष्मी विकास बैंक लिमिटेडका संस्थापक अशोक श्रेष्ठको स्मृतिमा स्थापना भएको स्व. अशोक श्रेष्ठ महालक्ष्मी मेरिट छात्रवृत्ति भोम्जनलाई प्रदान गरेको हो । महालक्ष्मी विकास बैंक लि. हेटौंडा शाखाद्वारा सामाजिक उत्तरदायित्व अन्तर्गत गरिब तथा जेहेन्दार छात्रा भोम्जनलाई छात्रवृत्ति प्रदान गरेको विद्यालयकी प्रधानाध्यापक मालती उप्रेतीले जानकारी दिइन् ।

कार्यक्रममा हेटौँडा–१ का वडाध्यक्ष सविन न्यौपाने, विद्यालय व्यवस्थापन समितिका अध्यक्ष उमाकान्त गौतमलगायतको आतिथ्यता रहेको थियो ।