मकवानपुरले चुम्यो कटहरिया मेयर कपको उपाधी

हेटौंडा, रौतहटको कटहरिया नगरपालिकामा भएको दोस्रो मेयरकप टी–२० क्रिकेट प्रतियोगिताको उपाधी मकवानपुर क्रिकेट टिमले हात पारेको छ ।

आज भएको फाइनल खेलमा आयोजक कटहरिया नगरपालिकालाई ५ विकेटले हराउँदै मकवानपुरले उपाधी चुमेको हो । सुरुमा टस जितेर ब्याटिङ रोजेको कटहरियाले १६ दशमलव ५ ओभरमा अल आउट हुँदै ८५ रन बनायो । ८६ रनको लक्ष्य पाएको मकवानपुरले १४ दशमलव २ ओभरमा लक्ष्य भेटायो ।

प्रतियोगिताको विजेता टिमले नगद ५५ हजार रुपैयाँ र उपविजेता टिमले नगद ३५ हजार रुपैयाँसहित शिल्ड, मेडल तथा प्रमाणपत्र प्रदान गरेको छ । प्रतियोगितामा मकवानपुरका रोहित ठाकुर म्यान अफ द म्याच, शुभ कंसाकार बेष्ट ब्याट्सम्यान, आसिम श्रेष्ठ बेष्ट बलर घोषित भए । कटहरिया नगरपालिकाका मेयर अजय प्रकाश जयस्वालले पुरस्कार वितरण गरेका थिए ।