हेटौंडा, हेटौंडा १० मा रहेको तुल्सी मेहर मेमोरियल माध्यमिक विद्यालयले यही फाल्गुन १५ गते ४३ औँ वार्षिक उत्सव तथा अभिभावक भेला आयोजना गर्ने भएको छ । मङ्लबार पत्रकार सम्मेलनको आयोजना गरी विद्यालयले मनाउन लागिएको वार्षिक उत्सव तथा अभिभावक दिवसको बारेमा जानकारी गराएको हो ।
ADVERTISEMENT
विद्यालयले आयोजना गर्ने ४३ औँ वार्षिक उत्सवमा विविध कार्यक्रमको आयोजना गरी मनाउन लागिएको प्रिन्सिपल रघुनाथ खरालले बताए । ‘वार्षिक उत्सव कार्यक्रममा ३ जना शिक्षक र एक जना कर्मचारीलाई सम्मान गर्ने छौँ । साथै विद्यालयले आयोजना गरेको सप्ताहव्यापी कार्यक्रममा प्रथम, दोस्रो र तेस्रो हुने विद्यार्थीलाई पुरस्कृत गर्ने छौँ ।’– प्रिन्सिपल खरालले भने । वार्षिक उत्सव तथा अभिभावक भेलामा होटल म्यानेजमेन्ट संकाय कक्षा ११ र १२ मा अध्ययनरत विद्यार्थीहरूले खाना महोत्सव आयोजना गर्नुका साथै विज्ञान तथा सामाजिक विषयका शैक्षिक प्रदर्शनी हुने खरेलले बताए ।
उक्त कार्यक्रमको उद्घाटन बागमती प्रदेशका मुख्यमन्त्री बहादुर सिं लामाले गर्ने तय भएको विद्यालयले जनाएको छ । तुल्सी मेहर माध्यमिक विद्यालयका हाल १ हजार १ सय ५० जना विद्यार्थी अध्ययनरत रहेका छन् ।
