हेटौँडा, हेटौँडा उपमहानगरपालिका–१५, कमेरोपानीमा चट्याङ लाग्दा एक जनाको मृत्यु भएको छ।
ADVERTISEMENT
मृतक हेटौँडा–१६, सानो आकाशधारा घर भई हाल बारा जिल्लाको निजगढ नगरपालिका–१३ बस्दै आएका ३७ वर्षीय बुद्ध बहादुर प्रजा रहेको बागमती प्रदेश प्रहरी कार्यालय, हेटौँडाले जनाएको छ।
प्रहरीका अनुसार शुक्रबार राति करिब ९ बजे कमेरोपानीस्थित धन बहादुर स्याङतानको किराना पसल अगाडि श्रीमतीसँगै पैदल हिँडिरहेका बेला चट्याङ परेर प्रजाको घटनास्थलमै मृत्यु भएको हो।
ADVERTISEMENT
घटनास्थल पुग्न खोला तर्नु पर्ने भएकाले प्रहरी तत्काल पुग्न नसके पनि प्रहरी चौकी रातोमाटेबाट प्रहरी वरिष्ठ नायव निरीक्षक श्याम किशोर यादवको नेतृत्वमा गएको टोली शनिबार बिहान करिब ६ः१० बजे मात्र घटनास्थलमा पुगेको थियो।
घटनाबारे थप अनुसन्धानका लागि जिल्ला प्रहरी कार्यालय मकवानपुरबाट प्रहरी निरीक्षक विश्वम्भर नाथ साहको नेतृत्वमा अर्को प्रहरी टोली पठाइएको प्रहरीले जनाएको छ।
