हेटौँडा, हेटौँडा–६ मा रहेको वंश गोपाल योग साधना केन्द्रको अध्यक्षमा सुभद्रा तिमल्सिना चयन भएकी छिन् । पतन्जलि योग जिल्ला समिति मकवानपुरको सक्रियतामा आज तिमल्सिनाको नेतृत्वमा ११ सदस्यीय वंश गोपाल योग साधना केन्द्र गठन भएको हो ।
केन्द्रको उपाध्यक्षमा विष्णु श्रेष्ठ, सचिवमा मन्जुला चौलागाई, कोषाध्यक्षमा ज्योति दुलाल चयन भएका छन् । यसैगरी सदस्यमा कैलाश न्यौपाने, पवित्रा थापा, इन्दिरा ओझा, अस्मिता खड्का, सुमित्रा न्यौपाने, शोभा नेगी र कृष्णप्रसाद दुलाल चयन भएका छन् । हेटौंडा उपमहानगरपालिका वडा नम्बर ६ का वडाध्यक्ष विष्णु दहालको प्रमुख आतिथ्यमा भएको कार्यक्रममा वडा सदस्य विजय पौडेललगायतको आतिथ्य रहेको थियो ।
