थाहा, उत्तरी मकवानपुरको थाहा नगरपालिकामा जारी राष्ट्रपति रनिङशिल्ड शिल्ड प्रतियोगिता तथा चौथो मेयर कप भलिबल प्रतियोगितामा जनकल्याण माध्यमिक विद्यालयले यो समाचार तयार पार्दा सम्म १० स्वर्ण जित्न सफल भएको छ ।
ADVERTISEMENT
थाहा नगरपालिकाको आयोजनामा भएको प्रतियोगितामा जनकल्याणले १० स्वर्ण, ८ रजत र ४ काश्य जित्न सफल भएको छ । त्यसैगरी झम्केश्वरी माध्यमिक विद्यालयले ४ स्वर्ण र ३ काश्य, बज्रबाराही माध्यमिक विद्यालयले ४ स्वर्ण, नाट्यश्वर माध्यमिक विद्यालयले ३ स्वर्ण र २ रजत जित्न सफल भएको छ ।
यसैगरी सुनौलो माध्यमिक विद्यालयले २ स्वर्ण र २ रजत, मत्स्यनारायण मा.विले ४ रजत र ४ काश्य, हिमालयन बोर्डिङले १ रजत, पालुङ भ्यालि हार्टले १ काश्य, बागेश्वरी मा.विले १ स्वर्ण, १ रजत , ३ काश्य जितेको छ । चित्लाङको स्वच्छन्द भैरव माध्यमिक विद्यालयले १ काश्य, सरस्वती मा.विले १ स्वर्ण, सुन्दरीदेवी मा.विले १ स्वर्ण र १ कास्य, इन्द्रायणी मा.विले १ काश्य जित्न सफल भएको छ ।
ADVERTISEMENT
थाहा नगरमा रहेका १६ विद्यालयले सहभागिता जनाएको प्रतियोगिता आज आइतबार सम्म सञ्चालन हुने छ । उक्त प्रतियोगितामा ३ वटा विद्यालयले कुनै पनि पदक प्राप्त गर्न सकेका छैनन् ।
