हेटौंडा, हेटौंडा स्कूल अफ म्यानेजमेन्ट एण्ड सोसियल साइन्सेसमा भएको विजनेश आइडिया प्रतियोगितामा उत्कृष्ट तीन समूह छनौट भएका छन् । नौँ वटा समूहले जनाएको प्रतियोगितामा डिजि प्रभात, ग्रीन गोदाम र द एड मेकर्स समूहहरु उत्कृष्ट छनौट भएका थिए ।
ADVERTISEMENT
प्रतियोगितामा मेगा बैंक हेटौंडा शाखाका प्रमुख माधवी बोसी, प्याक्ट ग्रुपका जेनेरल म्यानेजर शान्ती रामज धिमाल, हेटौंडा स्कूल अफ म्यानेजमेन्टका योजना तथा विकास निर्देशक दीपेश जोशीले निर्णायकको भूमिका निर्वाह गरेका थिए । बिज क्रेयटर ल्याभका मेन्टर अनुराग अधिकारी र आयुष भोम्जनको संयोजकत्वमा कार्यक्रम भएको थियो । प्रतियोगितामा उत्कृष्ट भएका विद्यार्थीलाई व्यवसायी सिर्जना गर्नको लागि नगद १० हजार रुपैयाँ र प्रतियोगितामा सहभागिता जनाएका समूहलाई नगद ५ हजार रुपैयाँ क्याम्पसले प्रदान गर्ने छ ।
हेटौंडा स्कुल अफ म्यानेजमेन्ट एण्ड सोसियल साइन्सेसले बिजनेस इन्क्युबेशन सेन्टरलाई लक्षित गरी प्रतियोगिता आयोजना गरिएको हो । म्यानेजमेन्टले आफ्ना विद्यार्थीहरुलाई समयसापेक्ष व्यावहारिक सीप दिलाउने तथा उनीहरुको आन्तरिक क्षमता अभिबृद्धिका लागि बिजनेस इन्क्युबेशन सेन्टरमार्फत विभिन्न कार्यशालाहरु सञ्चालन गरिरहेको छ ।
