हेटौंडा डान्सिङ स्टारमा ३० जना छनौंट

हेटौंडा/ मकवानपुर उद्योग वाणिज्य संघको आयोजनामा हुने १० औं राष्ट्रिय औद्योगिक व्यापार महोत्सव २०७९ मा प्रथम हेटौंडा डान्सिङ स्टार २०७९ हुने भएको छ । प्रतियोगितामा पहिलो अडिसनबाट ३० जना छनौट भएको हेटौंडा डान्सिङ स्टार २०७९ व्यवस्थापन संयोजक नीलम पाण्डेले बताइन् ।

आइतबार र सोमबार भएको अडिसनमा ९१ जनाले आफ्नो नृत्य प्रस्तुत गरेका थिए । सो मध्येबाट ३० जनालाई छनौट गरिएको संयोजक पाण्डेले बताइन् । प्रतियोगिताको निर्णायकमा छमछमीको चौथो सिजनकी विजेता सन्ध्या आचार्य र नृत्य निर्देशक सुजन श्रेष्ठ रहेका थिए ।

११ गते बाट हुने महोत्सव २३ गते सम्म सञ्चालन हुनेछन् । १२ गतेबाट प्रतियोगिता सुरु हुनेछ ।