हेटौंडा शुक्रबार र शनिबार हेटौंडाको सामुदायिक आँखा अस्पतालमा २ सय जनाको आँखाको शल्यक्रिया भएको छ । रोटरी क्लब अफ काठमाडौं मिड टाउन र रोटरी क्लब अफ मकवानपुरको संयुक्त आयोजनामा भएको तीनदिने निःशुल्क आँखा शिवरमा २२३ जना व्यक्तिमा मोतिबिन्दु भेटिएको शनिबार पत्रकार सम्मेलनको आयोजना गरीरोटरी क्लब अफ मकवानपुरले
जानकारी दिएको छ ।
ADVERTISEMENT
२२३ जना मध्ये २ सय जनाले हेटौंडाको सामुदायिक आँखा अस्पतालमा आँखाको शल्यक्रिया गरेको शिविर कार्यक्रम संयोजक अन्जनीकुमार पराजुलीले जानकारी दिए । हिमालीबासमा भएको शिविरमा ४८ जना, क्यानेश्वरमा २५ जना, फागुन १७ गते पिपलमाडीमा भएको कार्यक्रममा ४० जना, नाढी सर्लाहीमा ३६ जना, नामटारमा १२ जना, वनवहुरीमा ६२ जनामा मोतिबिन्दुको बिरामी भेटिएको थियो ।
फागुन १६ गतेबाट १८ गतेसम्म रोटरी क्लब अफ काठमाडौं मिडटाउन र रोटरी क्लब अफ मकवानपुरको संयुक्त आयोजनामा निःशुल्क आँखा शिवर भएको थियो । रोटरी क्लब अफ मकवानपुरको वार्षिक कार्यक्रम अन्तर्गत आँखा शिविर सञ्चालन भएको हो ।
