हेटौंडा, जनकपुरधाममा जारी ‘मेयर कप’ टी–२० क्रिकेट प्रतियोगितामा मकवानपुर क्रिकेट टिम पहिलो खेलमै बारासँग पराजित भएको हो। शुक्रबार भएको प्रतियोगितामा बारासँग मकवानपुर २० रनले पराजित भएको हो ।
ADVERTISEMENT
शुरुमा टस टिजेर ब्याटिङ रोजेको बाराले पूरै ओभर खेल्दै ७ विकेटको नोक्सानीमा १४४ रन बनायो । बाराको लागि साहिल पट्टेलले २८ बलको सामना गर्दै ४१ रन, अरनिको यादवले ३४ बलको सामना गर्दै ३४ रन, पवन सराफले २७ रन जोडेका थिए । मकवानपुरको लागि विशाला फुयाँलले २ विकेट, रामनरेश गिरी, रिजन ढकाल र शुभ कंसाकारले समान १ विकेट लिएका थिए।
१ सय ४५ रनको सम्मानजनक लक्ष्य पाएको मकवानपुरले पुरै ओभर खेल्दै ९ विकेटको क्षतिमा १२४ रनमै सिमित रह्यो । मकवानपुरको लागि गौरभ खड्काले ३० रन बाहेक अरु खेलाडीले खासै रन बटुल्न सकेनन् । मकवानपुरको कप्तान सम्हालेका सुमन सुनारले १३ रन, शुभ कंसाकारले १७ रन, विशाल फुयाँल २३ रन बनाए ।
बाराको लागि अनिलकुमार शाहले ३ विकेट, कुमार थापा र अरनिको यादवले समान २ विकेट, पवन सराफ र निखिलकुमार सिंहले समान १ विकेट लिए । बाराको अरनिको यादव म्यान अफ द म्याच घोषित भए । प्रतियोगिताको खेल तालिक अनुसार मकवानपुरले आज शनिबार रौतहटसँग खेल्दैछ । १२ टिमको सहभागीता रहेको प्रतियोगिताको विजेता टिमले नगद २ लाख ५१ हजार र उपविजेताले १ लाख ५१ हजार पुरस्कार सहितट्रफी प्राप्त गर्ने छन् ।
