मकवानपुरका तीनजना ग्याँस विक्रेता महासंघ बागमती प्रदेशमा

हेटौंडा, ग्याँस विक्रेता महासंघ नेपाल बागमती प्रदेशमा मकवानपुरका तीनजना सर्वसम्मत चयन भएका छन्। शनिबार भएको महासंघको दोस्रो अधिवेशन तथा चौथो वार्षिक साधारणसभाबाट मकवानपुरका बिनोदमान श्रेष्ठ ग्याँस विक्रेता महासंघ बागमती प्रदेशको अध्यक्षमा चयन भएका छन्।

यसैगरी महासचिव पदमा मकवानपुरका केशव मुडभरि र कोषाध्यक्षमा मकवानपुरकै मदनकुमार न्यौपाने सर्वसम्मत चयन भएका छन् । प्रदेशको वरिष्ठ उपाध्यक्ष पदमा रहेका श्रेष्ठ ग्याँस विक्रेता महासंघ बागमती प्रदेशको अध्यक्ष पदमा चयन भएका हुन् । उनी ग्याँस विक्रेता महासंघ मकवानपुरका निवर्तमान अध्यक्ष समेत हुन् ।

‘दोस्रो अधिवेशन तथा चौथो वार्षिक साधारणसभाबाट १५ जना कार्य समिति रहेकोमा १० जना सर्वसम्मत चयन गरेका छौँ।’ अध्यक्ष पदमा चयन भएका श्रेष्ठले भने –‘ग्याँस विक्रेता महासंघ प्रदेशको पहिलो बैठकले ५ जनालाई मनोनित गर्ने छौँ।’ अध्यक्ष पदमा सर्वसम्मत चयन भएका श्रेष्ठले ग्याँस विक्रेता व्यवसायीहरुको हकहित र अधिकारको निम्ति आफू सदैव लागिरहने प्रतिबद्धता व्यक्त गरे।