हेटौंडामा २२ जनाले गरे रक्तदान

हेटौंडा, निर्माण दिवसको अवसरमा हेटौंडामा शुक्रबार रक्तदान कार्यक्रम भएको छ । निर्माण व्यवसायी संघ मकवानपुरले १६ औँ राष्ट्रिय निर्माण दिवसको अवसरमा रक्तदान कार्यक्रम गरिएको हो ।

संघका अध्यक्ष बालगोपाल कंडेलको सभाध्यक्षता तथा संघका सल्लाहकार एंव पूर्व अध्यक्ष आनन्दराम पराजुलीको प्रमुख आतिथ्यतामा कार्यक्रम भएको थियो । रक्तदान कार्यक्रममा २२ जनाले रक्तदान गरेका थिए ।

कार्यक्रममा नेपाल रेडक्रस सोसाइटीका प्रमुख लक्ष्मण भट्टराई, निर्माण व्यवसायी महासंघ बागमती प्रदेश सह कोषाध्यक्ष राजेश भेटवाल, संघ पूर्व अध्यक्ष खड्ग गोपाली लगायत संघका पदाधिकारीहरुको उपस्थिती रहेको थियो ।