हेटौंडा, मकवानपुर क्रिकेट संघको आयोजनामा दोस्रो स्वर्गीय निरज स्मृति विद्यालय स्तरीय टि २० क्रिकेट प्रतियोगिता हुने भएको छ । सोमबार पत्रकार सम्मेलन गर्दै मकवानपुर क्रिकेट संघले प्रतियोगिता बारे जानकारी गराएको थियो । माघ २० गतेबाट हेटौंडा ४ स्थित हुप्रामा सञ्चालन हुने प्रतियोगितामा सामुदायिक र निजी विद्यालय गरी कुल १६ विद्यालयको सहभागिता रहने कार्यक्रम संयोजक संजोग पोखरेलले जानकारी दिए ।
ADVERTISEMENT
प्रतियोगिताको प्रथम र द्वितिय हुने टिमलाई नगद सहित ट्रफि, मेडल र प्रमाण पत्र प्रदान गरिने छ । त्यसैगरी उत्कृष्ट व्याट्सम्यान, उत्कृष्ट बलर, म्यान अफ द सिरिजलाई नगद सहित ट्रफि र प्रमाण पत्र प्रदान गरिने छ । प्रत्येक खेलको म्यान अफ द म्याच लाई ट्रफि र प्रमाण पत्र प्रदान गरिने र प्रतियोगितामा उत्कृष्ट प्रदर्शन गर्ने खेलाडीहरु छनौट गरि अण्डर १६ जिल्ला टिम निर्माण गरी प्रशिक्षण गराउने क्यान मकवानपुरका अध्यक्ष करन महत्रा क्षेत्रीले बताए ।
११ दिन सम्म चल्ने प्रतियोगिताको अनुमानित ५ लाख ५० हजार खर्च लाग्ने संघका सचिव तथा राष्ट्रिय एम्पायर बिनोदकुमार बानियाँले जानकारी दिए ।
ADVERTISEMENT
प्रतियोगिताको पहिलो संस्करणको उपाधि भुटनदेवी माविले जितेको थियो । पत्रकार सम्मेलनमा राष्ट्रिय अम्पयार सुनिल बर्तौला, मकवानपुर क्रिकेट संघका अध्यक्ष करण महत्रा, सचिव बिनोद बानिंया, कोषाध्यक्ष धिरज श्रेष्ठ लगायतको आतिथ्यता रहेको थियो । मकवानपुर क्रिकेट टिमका पूर्व कप्तान समेत रहेका श्रेष्ठ ब्लड क्यान्सरबाट मृत्यु भएका थिए ।
