हेटौंडा, जितपुर सिमरामा शुरू भएको टि २० हरपुर च्याम्पियन प्रतियोगितामा मकवानपुर पराजित भएको छ । आइतबार भएको उद्घाटन खेलमा कलैयाँ क्रिकेट क्लवसँग मकवानपुर ६ विकेटले पराजित भएको हो ।
ADVERTISEMENT
टस जितेर ब्याटिङ रोजेको मकवानपुर १५ ओभरमा अल आउट हुँदै ११६ रन बनायो । मकवानपुरका ओपनर ब्याट्सम्यान गौरभ खड्काले ४८ रन बाहेक अरु खेलाडीले सम्हालेर खेल्न सकेनन् । मकवानपुरका सुवर्ण भट्ट १४ रन र रामनरेश गिरीले १३ रन बाहेक अरु खेलाडीले दोहोरो अंक बटुल्न सकेन । कलैयाका शंकर पौडेलले ४ विकेट, भुलन सहनीले २ विकेट र कुमार थापाले १ विकेट हात पारे ।
११७ रनको लक्ष्य पाएको कलैयाले १८ दशमलव ३ ओभरमा ४ विकेटको नोक्सानीमा लक्ष्य भेटयो । कलैयाका सहिल पटेलले ५४ रन, निरज यादव २८ रन, तृतराज दास नटआउट हुँदै २० रन जोडे । मकवानपुरका रामनरेश गिरीले २ विकेट र पियुश शर्माले १ विकेट लिए । फागुन २१ गते मकवानपुरले युथ क्रिकेट क्लवसँग प्रतिस्पर्धा गर्ने छ । प्रतियोगिताको समूह ‘ए’ मा कलैया क्रिकेट क्लव, मकवानपुर क्रिकेट क्लव, यूथ क्रिकेट क्लव रहेका छन् भने समूह ‘बी’ मा चितवन क्रिकेट, नेशनल इनफोटेक र आयोजक हरपुर क्रिकेट क्लव रहेको छ ।
