हेटौँडा, नेपाल स्पोर्ट सेन्टर (नेकोस) को आयोजनामा हेटौंडामा सञ्चालन भइरहेको राष्ट्रिय नेकोस कप महिला भलिबल प्रतियोगिताको दोस्रो दिन सशस्त्र प्रहरीको एपीएफ क्लब र गण्डकी प्रदेश विजयी भएको छ ।
ADVERTISEMENT
एपीएफले मधेश प्रदेशलाई र गण्डकीले बागमती प्रदेशलाई हराएको हो । पहिलो खेलमा एपीएफले मधेश प्रदेशलाई २५–८, २५–११ र २५–७ को सोझो सेटमा हराउँदा गण्डकीले बागमती प्रदेशलाई २५–११, २५–१२ र २५–१९ को सोझो सेटमा पराजित गरेको हो ।
हेटौंडा–४ हुप्रचौरस्थित भलिबल कोर्टमा जारी प्रतियोगितामा ६ वटा टोलीको सहभागिता रहेको छ । प्रतियोगितामा पुलिस, एपीएफ, न्यू डायमन्ड, बागमतीसहित मधेश र गण्डकी प्रदेशको सहभागिता रहेको छ । हेटौंडामा पहिलो पटक आयोजना भइरहेको प्रतियोगिताका विजेताले ५ लाख, उपविजेताले ३ लाख, तेस्रोले १ लाख र चौथो हुने टिमले ५१ हजार रुपैयाँ नगदसहित ट्रफी प्राप्त गर्नेछन् । विधागत उत्कृष्ट हुने खेलाडीले जनही ५ हजार रुपैयाँ पाउनेछन् ।
ADVERTISEMENT
